സമസ്തയുടെ പോഷക സംഘടനയിൽ നിന്നും നാസർ ഫൈസി കൂടത്തായി രാജിവെച്ചു.
കോഴിക്കോട്: സമസ്തയുടെ ഖത്തീബുമാരുടെ സംഘടനയുടെ ജനറൽ സെക്രട്ടറി സ്ഥാനത്തു നിന്ന് നാസർ ഫൈസി കൂടത്തായി രാജിവെച്ചു. ലീഗ് വിരുദ്ധ വിഭാഗം നാസർ ഫൈസിക്കെതിരെ നീങ്ങിയ സാഹചര്യത്തിലാണ് രാജി. സാദിഖലി തങ്ങളെയും മുശാവറ അംഗങ്ങളെയും അധിക്ഷേപിച്ച സംഘടനാ അംഗങ്ങൾക്കെതിരെ നടപടി വേണമെന്നും നാസർ ഫൈസി ആവശ്യപ്പെട്ടു.
പോഷക സംഘടനയായ
ജംഇയ്യത്തുൽ ഖുതുബാ ഇന്നിൽ നിന്നുമാണ് രാജി വെച്ചത്. തനിക്കെതിരെ വിമർശനം ഉയർന്ന സാഹചര്യത്തിലാണ് രാജിയെന്ന് നാസർ ഫൈസി കൂടത്തായി പറഞ്ഞു. സമസ്തയുടെ പോഷക സംഘടനയാണിത്. സമസ്ത കേരള ജംഇയ്യത്തുൽ ഖുത്വബാഇൻ്റെ സംസ്ഥാന പ്രവർത്തക സമിതി യോഗം 23-ാം തിയ്യതി കോഴിക്കോട് ചേർന്നപ്പോൾ ചില അംഗങ്ങൾ തനിക്കെതിര പരാതി ഉന്നയിച്ചിരുന്നുവെന്നും പിറ്റേന്ന് തന്നെ താൻ രാജിക്കത്ത് പ്രസിഡൻ്റിന് നൽകിയെന്നും നാസർ ഫൈസി കൂടത്തായി പുറത്തിറക്കിയ കുറിപ്പിൽ പറയുന്നു.
