തദ്ദേശ തെരഞ്ഞെടുപ്പ്: എസ്. ഡി. പി. ഐ ഒന്നാംഘട്ട സ്ഥാനാർഥികളെ പ്രഖ്യാപിച്ചു.
കുന്നമംഗലം :എസ്. ഡി. പി. ഐ കുന്നമംഗലം നിയോജക മണ്ഡലം കമ്മിറ്റി വിവിധ ഗ്രാമ പഞ്ചായത്ത് വാർഡുകളിലേക്കുള്ള ഒന്നാം ഘട്ട സ്ഥാനാർഥികളെ പ്രഖ്യാപിച്ചു. ജില്ലാ പഞ്ചായത്ത് സ്ഥാനാർത്ഥികളെ നേരത്തെ പ്രഖ്യാപിച്ചിരുന്നു. മാവൂരിൽ നടത്തിയ വാർത്താസമ്മേളനത്തിലാണ് പ്രഖ്യാപനം.
”അവകാശങ്ങൾ അർഹരിലേക്ക്, അഴിമതിയില്ലാത്ത വികസനത്തിന് സോഷ്യൽ ഡെമോക്രാറ്റിക് പാർട്ടി ഓഫ് ഇന്ത്യ സ്ഥാനാർഥികളെ വിജയിപ്പിക്കുക എന്ന സന്ദേശമാണ് എസ്. ഡി. പി. ഐ മുന്നോട്ടു വെക്കുന്നതെന്ന്
നേതാക്കൾ വാർത്താ സമ്മേളനത്തിൽ പറഞ്ഞു
രാജ്യം നേരിടുന്ന ഫാസിസ്റ്റ് രൗദ്രഭാവത്തെ തുറന്നു കാണിക്കുക വഴി ജനാധിപത്യത്തെ ശക്തിപ്പെടുത്തുക എന്ന സന്ദേശമാണ് തദ്ദേശ തെരഞ്ഞെടുപ്പിലൂടെ പാർട്ടി മുന്നോട്ടു വെക്കുന്നത്..
ഈ നിലപാടിനെ അംഗീകരിക്കുന്ന മുഴുവൻ ജനാധിപത്യ വിശ്വാസികളുമായും രാഷ്ട്രീയ പ്രസ്ഥാനങ്ങളുമായും പാർട്ടി സഹകരിക്കുമെന്ന് അവർ വെളിപ്പെടുത്തി.
പാർട്ടിക്ക് അനുവദിക്കപ്പെട്ട തെരഞ്ഞെടുപ്പ് ചിഹ്നമായ “കണ്ണട” അടയാളത്തിലായിരിക്കും സ്ഥാനാർത്ഥികൾ മത്സരിക്കുക.
മത്സരിക്കുന്ന പഞ്ചായത്തും വാർഡും , സ്ഥാനാർഥികളും
ചാത്തമംഗലം ഗ്രാമ പഞ്ചായത്ത്:
പാഴൂർ (10): മുഹിയുദ്ദിൻ സി കെ.
പെരുവയൽ ഗ്രാമ പഞ്ചായത്ത്:
കല്ലേരി (11): സൈതലവി എ. എം. , പേര്യ (17): മുസമ്മിൽ എൻ. കെ.
പെരുമണ്ണ ഗ്രാമ പഞ്ചായത്ത്: പാറക്കണ്ടം (14): അഷ്റഫ് പെരുമണ്ണ.
മാവൂർ ഗ്രാമ പഞ്ചായത്ത്: പള്ളിയോൾ (8): അഷ്റഫ് പള്ളിയോൾ ; മാവൂർ സൗത്ത് (12): സുഫീന മുനീർ സി. ; പാറമ്മൽ ഈസ്റ്റ് (14): നുസൈബ പി. ടി. ; പാറമ്മൽ വെസ്റ്റ് (15): സുലൈഖ സി. ; കൽപ്പള്ളി (16): ഗഫൂർ ഇ. ; ആയംകുളം (17): ഷരീഫ് യു. കെ. ; ഊർക്കടവ് (18): അബ്ദുല്ല കായലം.
കുന്നമംഗലം ഗ്രാമ പഞ്ചായത്ത്: പൈങ്ങോട്ടുപുറം (17): ഫൈസൽ തടത്തിൽ മീത്തൽ,
കാരന്തുർ ഈസ്റ്റ് (21): ഖദീജ മുഹമ്മദ്
പൂവം പുറത്ത്
വാർത്താ സമ്മേളനത്തിൽ എസ്. ഡി. പി. ഐ മണ്ഡലം പ്രസിഡണ്ട് ഹനീഫ പാലാഴി, മണ്ഡലം ഇലക്ഷൻ മോണിറ്ററിങ് സമിതി ചെയർമാൻ അബ്ദുറഹ്മാൻ കാരന്തുർ, മണ്ഡലം സെക്രട്ടറി അഷ്റഫ് കുട്ടിമോൻ, ട്രെഷറർ ഡോ. മുഹമ്മദ് നദ്വി എന്നിവർ സംബന്ധിച്ചു.
