ചെർപുളശേരി എസ്എച്ച്ഒ ജീവനൊടുക്കി; പൊലീസ് ക്വാർട്ടേഴ്സിൽ തൂങ്ങിമരിച്ച നിലയിൽ.
പാലക്കാട് :ചെർപുളശേരി എസ്എച്ച്ഒ കോഴിക്കോട് തൊട്ടിൽപാലം സ്വദേശി ബിനു തോമസ് (52) ജീവനൊടുക്കി. വൈകിട്ടോടെ സഹപ്രവർത്തകരാണ് ബിനു തോമസിനെ തൂങ്ങിയ നിലയിൽ കാണുന്നത്. പൊലീസ് ക്വാർട്ടേഴ്സിലെ ഫാനിൽ തൂങ്ങിമരിച്ച നിലയിലായിരുന്നു മൃതദേഹം. മരണ കാരണം വ്യക്തമല്ല.
ജോലി സമ്മർദമാകാം ആത്മഹത്യയ്ക്ക് പിന്നിലെന്ന് പറയുന്നതെങ്കിലും ഇക്കാര്യത്തിൽ സ്ഥിരീകരണമില്ല. ആറുമാസം മുൻപാണ് ബിനു തോമസ് സ്ഥലംമാറ്റം ലഭിച്ച് ചെർപുളശേരിയിൽ എത്തിയത്.
