ബൈക്ക് അപകടത്തിൽ കാലിക്കറ്റ് എഫ്സി താരം റിജോൺ ജോസ് മരിച്ചു.
കോഴിക്കോട്: ബൈക്ക് അപകടത്തിൽ കാലിക്കറ്റ് എഫ്സി താരം മരിച്ചു. തൃശ്ശൂർ സ്വദേശി റിജോൺ ജോസ് ആണ് മരിച്ചത. ഇന്നലെ അർദ്ധരാത്രിയിൽ കോഴിക്കോട് ഗാന്ധി റോഡ് മേൽപ്പാലത്തിൽ ആയിരുന്നു അപകടം.
സഹതാരം ഗനി അഹ്മദ് നിഗം ഗുരുതര പരിക്കുകളുമായി ആശുപത്രിയിലാണ്. ഇന്നലെ രാത്രി ഇവര് സഞ്ചരിച്ച ബൈക്ക് മറ്റൊരു ബൈക്കുമായി കൂട്ടി ഇടിക്കുക ആയിരുന്നു. പരുക്കേറ്റ ഇരുവരെയും ഉടന് ആശുപത്രിയില് എത്തിച്ചു. എന്നാല് റിജോണ് ജോസിന്റെ ജീവന് രക്ഷിക്കാന് കഴിഞ്ഞില്ല.
സൂപ്പര് ലീഗ് കേരളയില് കാലിക്കറ്റ് എഫ്സിയുടെ പ്രതിരോധ താരമാണ് റിജോണ്. ഫോഴ്സ കൊച്ചി, എഫ്സി കേരള എന്നീ ക്ലബുകള്ക്കും വേണ്ടിയും താരം കളിച്ചിട്ടുണ്ട്. ഗനി അഹമ്മദ് നിഗം കഴിഞ്ഞ സന്തോഷ് ട്രോഫിയില് കേരളത്തിന് വേണ്ടി കളിച്ചിരുന്നു.
