ജനകീയ സമര വിജയത്തിലേക്ക് ,കുമ്പള ടോൾ പ്ലാസ നിർത്തലാക്കാൻ കേന്ദ്ര സർക്കാർ.
കാസർകോട്: ടോൾ പ്ലാസ ക്കെതിരെ നടത്തിയ ജനകീയ സമരംവിജയത്തിലേക്ക് കുമ്പള ടോൾ പ്ലാസ നിർത്തലാക്കാൻ കേന്ദ്ര സർക്കാർ നീക്കം. കാസർഗോഡ് കുമ്പള ആരിക്കാടിയിലെ ടോൾ ബൂത്ത് നിർത്തലാക്കാൻ കേന്ദ്ര ഉപരിതല ഗതാഗത മന്ത്രാലയത്തിൻ്റെതാണ് തീരുമാനം. കർണാടക അതിർത്തിയായ തലപ്പാടിയിൽ ടോൾ പ്ലാസ നിലനിൽക്കെ 22 കിലോമീറ്ററിനുള്ളിൽ മറ്റൊരു ടോൾ പ്ലാസ വരുന്നത് അനീതിയാണെന്ന് സമരസമിതി ആരോപിച്ചിരുന്നു. കേന്ദ്രത്തിൻ്റെ തീരുമാനം ജനകീയ സമരത്തിൻ്റെ വിജയമെന്ന് മഞ്ചേശ്വരം എംഎൽഎ എകെഎം അഷ്റഫ് പ്രതികരിച്ചു.
