സ്വർണ്ണ വില വീണ്ടും ഉയർന്നു. 84000 കടന്നു.
കൊച്ചി: കേരളത്തിൽ സ്വർണവില വീണ്ടും ഉയർന്നു. ഗ്രാമിന് 40 രൂപയുടെ വർധവാണ് ഉണ്ടായത്. 10,530 രൂപയായാണ് സ്വർണവില വർധിച്ചത്. പവന്റെ വില 320 രൂപയും ഉയർന്നു. 84,240 രൂപയായാണ് സ്വർണവില വർധിച്ചിരിക്കുന്നത്. 18 കാരറ്റ് സ്വർണത്തിന്റെ വില ഗ്രാമിന് 35 രൂപ വർധിച്ച് 8655 രൂപയായി. ആഗോളവിപണിയിൽ സ്വർണവില കുറഞ്ഞു.
സ്പോട്ട് ഗോൾഡിന്റെ വിലയിൽ 0.2 ശതമാനത്തിന്റെ കുറവാണ് രേഖപ്പെടുത്തിയത്. 3,741.21 ഡോളറായാണ വില കുറഞ്ഞത്. എന്നാൽ, ഈയാഴ്ച സ്വർണവിലയിൽ 1.6 ശതമാനം വർധനയാണ് രേഖപ്പെടുത്തിയത്. അതേസമയം, യു.എസ് ഗോൾഡ് ഫ്യൂച്ചറിന്റെ നിരക്കിൽ മാറ്റമില്ലാതെ തുടരുകയാണ്.
