പോലീസ് അന്വേഷണം, 'പോറ്റിയെ കേറ്റിയെ' പാരഡി പാട്ട് തലയിൽ കയറ്റിയവർ എകൗണ്ടുകളിൽ നിന്ന് പാട്ട് ഡിലീറ്റ് ചെയ്തു തുടങ്ങി.

തിരുവനന്തപുരം:
‘പോറ്റിയെ കേറ്റിയെ’ പാരഡി പാട്ട് തലയിൽ കയറ്റിയവർ
എകൗണ്ടുകളിൽ നിന്ന് പാട്ട് ഡിലീറ്റ് ചെയ്തു തുടങ്ങി
പാട്ട് മതവികാരം വൃണപ്പെടുത്തുന്നു എന്ന പരാതിയിൽ പോലീസ് അന്വേഷണം ശക്തമാക്കുന്നതിനിടയിലാണ് സോഷ്യൽമീഡിയയിൽ നിന്നും പാട്ട് അപ്രത്യക്ഷ്യമാകുന്നത്.
മുഖ്യമന്ത്രിയുടെ ഉൾപ്പെടെ ചിത്രം വെച്ച വീഡിയോകളാണ് പിൻവലിച്ചത് . വീഡിയോ പോസ്റ്റ് ചെയ്തവരുടെ വിവരങ്ങൾ പൊലീസ് ശേഖരിച്ചിരുന്നു
അതേസമയം കേസെടുത്തതിന് പിന്നാലെ കേസിൽ കൂടുതൽ തെളിവ് തേടിയിരിക്കുകയാണ് പൊലീസ്. കേസിൽ പ്രതിചേർക്കപ്പെട്ടവരെ ചോദ്യം ചെയ്യും. പാട്ട് എഡിറ്റ് ചെയ്ത ഡിജിറ്റൽ ഉപകരണങ്ങൾ അടക്കം പരിശോധിക്കും. പാട്ടിന്‍റെ രചയിതാവ്, ഗായകൻ ഉൾപ്പെടെ നാലു പേരെ പ്രതിചേർത്താണ് പൊലീസ് കേസെടുത്തിരിക്കുന്നത്.
വിദേശത്തുള്ള ജി.പി. കുഞ്ഞബ്ദുല്ലയാണ് പാരഡി ഗാനം രചിച്ചത്.
വീഡിയോ പോസ്റ്റ് ചെയ്തവരുടെ സമൂഹമാധ്യമ അക്കൗണ്ടുകളും പരിശോധിച്ച് വരികയാണ്. കൂടുതൽ പേർക്കെതിരെ കേസെടുക്കാനും സാധ്യതയുണ്ട്. വീഡിയോ മത വികാരം വ്രണപ്പെടുത്തുന്നത് എന്നാണ് എഫ്ഐആർ. തിരുവനന്തപുരം സൈബർ പൊലീസാണ് കേസിൽ അന്വേഷണം നടത്തുന്നത്.തിരുവാഭരണ പാത സംരക്ഷണ സമിതി ജനറൽ സെക്രട്ടറി നൽകിയ പരാതിയിലാണ് കേസെടുത്തിട്ടുള്ളത്.
അതിനിടെ പാരഡി പാട്ടിനെതിരെ സിപിഎം തെരഞ്ഞെടുപ്പ് കമ്മീഷനെ സമീപിക്കും. അയ്യപ്പനെ പ്രചാരണത്തിന് ഉപയോഗിച്ചത് ചട്ടലംഘനമാണെന്ന് കാണിച്ചാണ് തെരഞ്ഞെടുപ്പ് കമ്മീഷന് പരാതി നൽകുക.