സിക്കന്തർ ബാദുഷ ദർഗയിൽ മുസ്ലിംകൾക്ക് റമസാൻ, ബക്രീദ് ദിനങ്ങളിൽ മാത്രം പ്രാർഥനാനുമതി; വിധി ശരിവെച്ച് സുപ്രീം കോടതി
മധുര | തമിഴ്നാട്ടിലെ മധുര തിരുപ്പരൻകുണ്ടം മലനിരകളിലെ നെല്ലിത്തോപ്പ് പ്രദേശത്തുള്ള സിക്കന്ദർ ബാദുഷ ഔലിയ ദർഗയിലെ മതപരമായ ചടങ്ങുകൾക്ക് നിയന്ത്രണമേർപ്പെടുത്തിയ മദ്രാസ് ഹൈക്കോടതി വിധി സുപ്രീം കോടതി ശരിവെച്ചു. റമസാൻ, ബക്രീദ് ദിനങ്ങളിൽ മാത്രമായി പ്രാർത്ഥനകൾ പരിമിതപ്പെടുത്തിയ ഹൈക്കോടതി ഉത്തരവിൽ ഇടപെടാൻ സുപ്രീം കോടതി വിസമ്മതിച്ചു. ദർഗയിൽ ദിവസേനയുള്ള പ്രാർത്ഥനകൾക്ക് അനുമതി നൽകണമെന്ന ആവശ്യം കോടതി നിരാകരിച്ചു.
