ഇന്ത്യ ഫലത്തിൽ ഒരു “ഹിന്ദു രാഷ്ട്രം” ആയി മാറിയിരിക്കുന്നു ഔദ്യോഗിക പ്രഖ്യാപനം മാത്രമെ ബാക്കിയുള്ളൂ

ജയ്പൂർ :ഇന്ത്യ ഫലത്തിൽ ഒരു “ഹിന്ദു രാഷ്ട്രം” ആയി മാറിയിരിക്കുന്നുവെന്നും കോൺഗ്രസിൻ്റെ
നിലപാടുകൾ ഇതിന് ആക്ക കൂട്ടിയിട്ടുണ്ടെന്നും മുൻ രാജസ്ഥാൻ മുഖ്യമന്ത്രിയും കോൺഗ്രസ് നേതാവുമായ അശോക് ഗെഹലോട്ട് പറഞ്ഞു.
ഒരു ഔപചാരിക പ്രഖ്യാപനം മാത്രമേ അവശേഷിക്കുന്നുള്ളൂ എന്ന് അദ്ദേഹം ആരോപിച്ചു.
ഒരു പരിപാടിയിൽ സംസാരിക്കവെ, മറ്റ് മതവിഭാഗങ്ങളിൽപ്പെട്ട ആളുകൾ അരികുവൽക്കരിക്കപ്പെടുന്നുണ്ടെന്നും, മുൻകാലങ്ങളിൽ
ബി.ജെ. പി ക്കെതിരെ ഉറച്ച നിലപാട് സ്വീകരിക്കുന്നതിൽ കോൺഗ്രസ് പരാജയപ്പെട്ടതാണ് ബിജെപിയുടെയും ആർഎസ്‌എസിന്റെയും ഉയർച്ചയ്ക്ക് കാരണമെന്നും അദ്ദേഹം വാദിച്ചു.
രാജ്യം ഇതിനകം ഒരു ഹിന്ദു രാഷ്ട്രമായി മാറിയിരിക്കുന്നു; ഒരു ഔപചാരിക പ്രഖ്യാപനം മാത്രമേ ശേഷിക്കുന്നുള്ളൂ,” ഗെഹ്‌ലോട്ട് പറഞ്ഞു.
കോൺഗ്രസ് അതിന്റെ സമീപനത്തിൽ കൂടുതൽ ശക്തവും നിർണ്ണായകവുമായിരുന്നെങ്കിൽ, ബിജെപിയും ആർഎസ്‌എസും ഇന്നത്തെ സ്വാധീനത്തിലേക്ക് വളരുമായിരുന്നില്ലെന്നും അദ്ദേഹം ഉറപ്പിച്ചു പറഞ്ഞു.
കർണ്ണാടകയിൽ ആഭ്യന്തര മന്ത്രി ആർ.എസ്. എസിനെതിരെ ശക്തമായ നിലപാട് സ്വീകരിക്കുന്നതിനിടെയാണ് ഈ പ്രസ്താവന.
മതേതരത്വം, ന്യൂനപക്ഷ അവകാശങ്ങൾ, ഇന്ത്യയുടെ പൊതുജീവിതത്തിൽ ആർഎസ്‌എസിന്റെ പങ്ക് എന്നിവയെക്കുറിച്ചുള്ള രാഷ്ട്രീയ ചർച്ചകൾ തുടരുന്നതിനിടെ നടത്തിയ ഈ പരാമർശം കോൺഗ്രസിനിടയിൽ
വ്യാപകമായ ചർച്ചക്ക് ഇടയാക്കും