യു.പി. യിൽ മുൻ ലജിസ്റ്റീവ് കൗൺസിൽ അംഗം (എംഎൽസി )മുഹമ്മദ് ഇഖ്ബാലിൻ്റെ സ്വത്ത് കണ്ടു കെട്ടി
ലഖ്നൊ : ഹാജി ഇഖ്ബാൽ എന്നറിയപ്പെടുന്ന മുൻ ലജിസ്റ്റീവ് കൗൺസിൽ അംഗം(എംഎൽസി )മുഹമ്മദ് ഇഖ്ബാലിൻ്റ അനധികൃതമായി സമ്പാദിച്ചതായി ആരോപിക്കപ്പെടുന്ന ഏകദേശം 2.76 ബില്യൺ രൂപയുടെ സ്വത്തുക്കൾ സഹാറൻപൂരിലെ അധികാരികൾ കണ്ടുകെട്ടി. ഗുണ്ടാ നിയമപ്രകാരമാണ് നടപടി സ്വീകരിച്ചത്, നിയമവിരുദ്ധമായ വരുമാനവുമായി സ്വത്തുക്കൾ ബന്ധപ്പെട്ടിരിക്കുന്നുവെന്ന് ഉദ്യോഗസ്ഥർ പറഞ്ഞു.
പിടിച്ചെടുത്ത സ്വത്തുക്കൾ കൈകാര്യം ചെയ്യാൻ ജില്ലാ മജിസ്ട്രേറ്റ് ബെഹാത്തിലെ തഹസിൽദാരെ അഡ്മിനിസ്ട്രേറ്ററായി നിയമിച്ചു. ഔദ്യോഗിക രേഖകൾ പ്രകാരം, സഹാറൻപൂരിലും മറ്റ് ജില്ലകളിലും വിവിധ സംസ്ഥാനങ്ങളിലുടനീളമുള്ള പോലീസ് സ്റ്റേഷനുകളിലുമായി ഇഖ്ബാലിനെതിരെ ഏകദേശം 50 ക്രിമിനൽ കേസുകൾ രജിസ്റ്റർ ചെയ്തിട്ടുണ്ട്.
സഹാറൻപൂർ പോലീസ് സ്റ്റേഷനിലെ മിർസാപൂർ പോളിൽ താമസിക്കുന്ന മുഹമ്മദ് ഇഖ്ബാൽ എന്ന ബാലയുടെ മക്കളായ മുഹമ്മദ് ജാവേദ്, മുഹമ്മദ് വാജിദ്, അലിഷാൻ, അഫ്സൽ എന്നിവരോടൊപ്പം അബ്ദുൾ വഹീദിന്റെ മകൻ മുഹമ്മദ് ഇഖ്ബാലും, അയാളുടെ ജീവനക്കാരനും സഹപ്രതിയുമായ അബ്ദുൾ ഗഫൂറിന്റെ മകൻ നസീം, മിർസാപൂർ പോലീസ് സ്റ്റേഷനിലെ റായ്പൂർ ഗ്രാമത്തിലെ സയീദ് അഹമ്മദിന്റെ മകൻ റാവു ലൈഖ് എന്നിവർ ഒരു സംഘടിത സംഘത്തിലെ അംഗങ്ങളാണെന്ന് ആരോപിക്കപ്പെടുന്നതായി ജില്ലാ മജിസ്ട്രേറ്റ് മനീഷ് ബൻസാൽ പറഞ്ഞു.
2022 ൽ മിർസാപൂർ പോലീസ് സ്റ്റേഷനിൽ ഗുണ്ടാനിയമപ്രകാരം കേസ് രജിസ്റ്റർ ചെയ്തതിനെ തുടർന്നാണ് നടപടി . ഈ നിയമപ്രകാരം സ്വത്ത് കണ്ടു കെട്ടാനുള്ള അവകാശം പോലീസിന് ലഭിച്ചിരുന്നു.
