മില്മ പാല് വില 6 രൂപ വർധിക്കും.
രുവനന്തപുരം: സംസ്ഥാനത്ത് വൈകാതെ മില്മ പാല് വില കൂടാൻ സാധ്യ. പാലിന്റെ വില വർധിപ്പിക്കണമെന്ന് സർക്കാരിനോട് വീണ്ടും ആവശ്യപ്പെടുമെന്ന് മില്മ ചെയർമാൻ കെ എസ് മണി പറഞ്ഞു.
സർക്കാരിന്റെ അനുമതിയില്ലാതെ പാല്വില കൂട്ടാനാവില്ലെന്നും നേരത്തെ നല്കിയ കത്തിന് അനുകൂല മറുപടി ലഭിച്ചിട്ടില്ലെന്നും മണി പറഞ്ഞു.
ആറുമാസം മുമ്പാണ് ലിറ്ററിന് നാലു മുതല് ആറ് രൂപ വരെ വർധിപ്പിക്കണമെന്ന് ബോർഡ് തീരുമാനമെടുത്തതെന്നും അത് ഉടൻ നടപ്പാക്കണമെന്നുമാണ് എറണാകുളം മേഖല യൂണിയൻ ഭാരവാഹികളുടെ ആവശ്യം. ഇതുമായി ബന്ധപ്പെട്ട് പട്ടം മില്മ ആസ്ഥാനത്ത് ഇവർ പ്രതിഷേധിച്ചിരുന്നു.
വില കൂട്ടാത്തത് കർഷകരെ ബുദ്ധിമുട്ടിലാക്കുമെന്ന പരാതിയാണ് പ്രതിഷേധക്കാർ ഉയർത്തിയത്. മില്മ ഡയറക്ടർ ബോർഡ് യോഗത്തിലാണ് വില വർധിപ്പിക്കാൻ തീരുമാനമെടുത്തതെന്ന് യൂണിയൻ ചെയർമാൻ സി എൻ വത്സലൻ പിള്ള പറഞ്ഞു.
പാല് വില കൂട്ടാൻ തീരുമാനമെടുത്തെങ്കിലും നിയമസഭ തെരഞ്ഞെടുപ്പ് അടുത്ത സമയമായതിനാല് മില്മയുടെ അപേക്ഷ സർക്കാർ നിഷേധിക്കുകയായിരുന്നു. മില്മയുടെ ആവശ്യം വീണ്ടും പരിഗണിച്ചാല് പുതിയ സർക്കാർ അധികാരത്തില് വന്നാലുടൻ പാല്വില വർധിക്കാം.
