മരുന്നുകള് തിങ്കളാഴ്ച മുതല് കുറഞ്ഞ വിലയിൽ
കോഴിക്കോട് :ജി.എസ്.ടി കുറച്ചതിന്റെ പൂര്ണ ആനുകൂല്യം ഉപഭോക്താക്കള്ക്ക് ലഭ്യമാക്കാന് തിങ്കളാഴ്ച മുതല് കുറഞ്ഞ വിലയില് മരുന്ന് വില്ക്കുമെന്ന് കേരള കെമിസ്റ്റ് ആന്ഡ് ഡ്രഗ്ഗിസ്റ്റ്സ് അസോസിയേഷന് (എ.കെ.സി.ഡി.എ). പുതുക്കിയ ജി.എസ്.ടി ഘടന അനുസരിച്ച് 33 ജീവന്രക്ഷാ മരുന്നുകളെ ജി.എസ്.ടിയില്നിന്ന് ഒഴിവാക്കിയിട്ടുണ്ട്.
അവശ്യമരുന്നുകളുടെ ജി.എസ്.ടി 12ല്നിന്ന് അഞ്ചുശതമാനമായും ഹെല്ത്ത് സപ്ലിമെന്റുകളുടേത് 18ല്നിന്ന് അഞ്ചുശതമാനമായും കുറച്ചിട്ടുണ്ട്.
പഴയ സ്റ്റോക്ക് മരുന്നുകള് പുതുക്കിയ നിരക്കില് വില്ക്കുമ്പോള് ചെറുകിട മരുന്ന് വ്യാപാരികള്ക്കുണ്ടാകുന്ന നഷ്ടം നികത്താൻ നടപടി സ്വീകരിക്കണമെന്ന് മരുന്ന് നിര്മാതാക്കളോട് ആവശ്യപ്പെട്ടിട്ടുണ്ടെന്ന് പ്രസിഡന്റ് എ.എന്. മോഹന്, ജനറല് സെക്രട്ടറി ആന്റണി തര്യന് എന്നിവര് പറഞ്ഞു.
