ആധാര് സേവനങ്ങള്ക്ക് ചെലവേറും; ഒക്ടോബര് ഒന്ന് മുതല് പുതിയ നിരക്ക്, രണ്ടുഘട്ട വര്ധനവ്
ന്യൂഡല്ഹി: ആധാർ കാർഡില് മാറ്റങ്ങള് വരുത്തുന്നതിനുള്ള സേവന നിരക്കുകള് വർധിപ്പിക്കാൻ യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI) തീരുമാനിച്ചു.പേര്, ജനനത്തീയതി, വിലാസം, ഫോണ് നമ്ബർ, ഇ-മെയില്, ഫോട്ടോ, വിരലടയാളം, കണ്ണിന്റെ അടയാളം (ബയോമെട്രിക്) എന്നിവ പുതുക്കുന്നതിനും തിരുത്തുന്നതിനുമാണ് ചെലവ് വർധിക്കുക. നിരക്ക് വർധന രണ്ട് ഘട്ടങ്ങളിലായാണ് നടപ്പാക്കുക.
ആദ്യ ഘട്ട നിരക്ക് വർധന
2025 ഒക്ടോബർ 1 മുതല് 2028 സെപ്റ്റംബർ 30 വരെ പ്രാബല്യത്തില് വരുന്ന ആദ്യ ഘട്ടത്തില്, 50 രൂപയുള്ള സേവനങ്ങള് 75 രൂപയായും 100 രൂപയുള്ളവ 125 രൂപയായും ഉയരും.
രണ്ടാം ഘട്ട നിരക്ക് വർധന
2028 ഒക്ടോബർ 1 മുതല് 2031 സെപ്റ്റംബർ 30 വരെ നീളുന്ന രണ്ടാം ഘട്ടത്തില്, 75 രൂപയുള്ള സേവനങ്ങള് 90 രൂപയായും 125 രൂപയുള്ളവ 150 രൂപയായും വർധിക്കും.
സൗജന്യ സേവനങ്ങള്
പുതിയ ആധാർ രജിസ്ട്രേഷൻ: ആധാർ കാർഡ് പുതുതായി എടുക്കുന്നതിന് യാതൊരു ഫീസും ഈടാക്കില്ല.
നിർബന്ധിത ബയോമെട്രിക് പുതുക്കല്: 5 മുതല് 7 വയസ്സുവരെയും 15 മുതല് 17 വയസ്സുവരെയുമുള്ള കുട്ടികള്ക്കുള്ള നിർബന്ധിത ബയോമെട്രിക് പുതുക്കല് സൗജന്യമായിരിക്കും. ഈ സേവനങ്ങള്ക്കുള്ള തുക UIDAI നേരിട്ട് സേവന കേന്ദ്രങ്ങള്ക്ക് നല്കും.
പണം നല്കേണ്ട സേവനങ്ങള്
7 മുതല് 15 വയസ്സുവരെയും 17 വയസ്സിന് മുകളിലുള്ളവർക്കും നിർബന്ധിത ബയോമെട്രിക് പുതുക്കലിന് നിരക്ക് ഈടാക്കും. ഈ സേവനത്തിന്റെ നിരക്ക് 100 രൂപയില് നിന്ന് ആദ്യ ഘട്ടത്തില് 125 രൂപയായും രണ്ടാം ഘട്ടത്തില് 150 രൂപയായും വർധിക്കും.
ആധാർ പോർട്ടല് വഴിയുള്ള സേവനങ്ങള്
UIDAI-യുടെ ഔദ്യോഗിക പോർട്ടല് വഴി പൊതുജനങ്ങള് നേരിട്ട് തേടുന്ന സേവനങ്ങളുടെ നിരക്ക് 50 രൂപയില് നിന്ന് 75 രൂപയായി വർധിപ്പിച്ചിട്ടുണ്ട്.
സേവന കേന്ദ്രങ്ങള്ക്കുള്ള പിന്തുണ
സേവന കേന്ദ്രങ്ങള്ക്ക് UIDAI നല്കുന്ന തുകയിലും വർധനവുണ്ട്. ഏറെക്കാലമായി ഈ തുക ലഭിക്കാതിരുന്ന സേവന കേന്ദ്രങ്ങള് പുതിയ പരിഷ്കാരങ്ങളോടെ ഈ ആനുകൂല്യം ലഭിക്കുമെന്ന പ്രതീക്ഷയിലാണ്.
പൊതുജനങ്ങള്ക്കുള്ള മുന്നറിയിപ്പ്
നിരക്ക് വർധനയെക്കുറിച്ച് UIDAI മുൻകൂട്ടി അറിയിപ്പ് നല്കിയിട്ടുണ്ട്. ആധാർ സേവനങ്ങള് തേടുന്നവർ പുതുക്കിയ നിരക്കുകള് മനസ്സിലാക്കി ആവശ്യമായ തയാറെടുപ്പുകള് നടത്തണമെന്ന് അധികൃതർ അറിയിച്ചു.
