അതിവേഗ റെയിൽ വരുന്നു;200 കി.മി വേഗം, 22 സ്റ്റോപ്പുകൾ, തിരുവനന്തപുരത്ത് നിന്ന് കോഴിക്കോ ട്ടേക്ക് രണ്ടര മണിക്കൂർ
പാലക്കാട് :സംസ്ഥാനത്തെ അതിവേഗ റെയില് പദ്ധതിയുമായി ബന്ധപ്പെട്ട് റെയില്വെ മന്ത്രി അശ്വിനി വൈഷ്ണവുമായി ചര്ച്ച നടത്തിയതായി മെട്രോമാന് ഇ ശ്രീധരന്. പദ്ധതി സംബന്ധിച്ച് പതിനഞ്ചു ദിവസത്തിനകം റെയില്വേയുടെ പ്രഖ്യാപനം ഉണ്ടാവുമെന്നും അദ്ദേഹം പറഞ്ഞു. പദ്ധതിക്കു നേതൃത്വം നല്കാന് നിയോഗിച്ചത് ഇ ശ്രീധരനെയാണ്
പദ്ധതിക്കായി സ്ഥലമേറ്റെടുപ്പ് പ്രതിസന്ധിയാകില്ല. സംസ്ഥാന സര്ക്കാരുമായി ഈ വിഷയം ചര്ച്ച ചെയ്തിട്ടില്ലെന്നും ഇ ശ്രീധരന് പറഞ്ഞു. തിരുവന്തപുരത്ത് നിന്ന് കൊച്ചി വരെ ഒരു മണിക്കൂര് ഇരുപത് മിനിറ്റും തിരുവനന്തപുരത്ത് നിന്ന് കോഴിക്കോട്ടേക്ക് രണ്ടര മണിക്കൂറും തിരുവന്തപുരത്ത് നിന്ന് കണ്ണൂര് വരെ മൂന്നേകാല് മണിക്കൂര് സമയവുമാണ് വേണ്ടിവരിക.
മണിക്കൂറില് 200 കിലോമീറ്റര് ആയിരിക്കും ട്രെയിനിന്റെ വേഗം. കേരളത്തില് 22 സ്റ്റോപ്പുകളാകും ഉണ്ടാവുക. സില്വര് ലൈനില് നിന്ന് വ്യത്യസ്തമായി അതിന്റെ മൂന്നിലൊരു ഭാഗം ഭുമി മാത്രമേ അതിവേഗ റെയിലിന് വേണ്ടിവരികയുള്ളുവെന്നും ഇ ശ്രീധരന് പറഞ്ഞു
എഴുപത് ശതമാനം എലിവേറ്റഡ് പാതയും 20 ശതമാനം തുരങ്കപാതയും ആയിരിക്കും. തിരുവനന്തപുരം, കൊച്ചി, കരിപ്പൂര്, കണ്ണൂര് വിമാത്താവളങ്ങളെ ബന്ധിപ്പിക്കുന്നതാവും അതിവേഗ റെയിൽപാതയെന്ന് ശ്രീധരൻ പറഞ്ഞു.
