മതപരിവർത്തന നിരോധന നിയമപ്രകാരം 18 മാസം ജയിലിൽ കിടന്ന വ്യക്തിക്ക് സുപ്രീം കോടതി ജാമ്യം നൽകി.
ലഖ്നൊ: മതപരിവർത്തന
നിരോധന നിയമപ്രകാരം 18 മാസം ജയിലിൽ കിടന്ന വ്യക്തിക്ക് സുപ്രീം കോടതി ജാമ്യം നൽകി
ഇന്ത്യൻ ശിക്ഷാ നിയമം (IPC), 2021 ലെ ഉത്തർപ്രദേശ് നിയമവിരുദ്ധ മതപരിവർത്തന നിരോധന നിയമം എന്നിവ പ്രകാരം കേസെടുത്ത പ്രതിയായ വിശാൽ റാണ എന്ന തബീഷ് അസ്ഗർ എന്നയാൾക്കാണ് സുപ്രീം കോടതി ജാമ്യം അനുവദിച്ചത്.
ജാമ്യ ഹർജി തള്ളുമ്പോൾ അലഹബാദ് ഹൈക്കോടതി നിരവധി നിർണായക വശങ്ങൾ അവഗണിച്ചുവെന്ന്ജസ്റ്റിസുമാരായ ജെ.ബി. പർദിവാല, കെ.വി. വിശ്വനാഥൻ എന്നിവരടങ്ങിയ ബെഞ്ച് നിരീക്ഷിച്ചു.
വിചാരണ കോടതി ചുമത്തുന്ന നിബന്ധനകൾക്കും വ്യവസ്ഥകൾക്കും വിധേയമായി, ഹർജിക്കാരനെ ഉടൻ ജാമ്യത്തിൽ വിടാൻ സുപ്രീം കോടതി നിർദ്ദേശിച്ചു.
2025 നവംബർ 14 ന് അലഹബാദ് ഹൈക്കോടതി ജാമ്യം നിഷേധിച്ച ഉത്തരവ് ചോദ്യം ചെയ്തുള്ള പ്രത്യേക അവധി ഹർജി (SLP) പരിഗണിക്കുന്നതിനിടെയാണ് ഉത്തരവ്.
നോയിഡയിലെ ഗൗതം ബുദ്ധ നഗറിലെ സെക്ടർ 113 പോലീസ് സ്റ്റേഷനിലാണ് ഐപിസി സെക്ഷൻ 323, 506, 313 എന്നിവ പ്രകാരമുള്ള കേസ് രജിസ്റ്റർ ചെയ്തിരിക്കുന്നത്. യുപി നിയമവിരുദ്ധ മതപരിവർത്തന നിരോധന നിയമം, 2021 ലെ സെക്ഷൻ 3, 5(1) എന്നിവ പ്രകാരമാണ് കേസെടുത്തിരുന്നത്
