താലി കെട്ട് കഴിഞ്ഞിട്ടും വിളമ്പാൻ ഭക്ഷണം എത്തിയില്ല… ഭക്ഷണം നൽകാതെ കാറ്ററിംഗ് ടീം മുങ്ങി .
മുണ്ടക്കയം :താലി കെട്ട് കഴിഞ്ഞിട്ടും വിളമ്പാൻ ഭക്ഷണം എത്തിയില്ല…
ഭക്ഷണം നൽകാതെ കാറ്ററിംഗ് ടീം മുങ്ങി
വിവാഹത്തിന് ഭക്ഷണം എത്തിക്കാമെന്ന് വാഗ്ദാനം ചെയ്ത് പണം വാങ്ങിയ കേറ്ററിംഗ് സംഘം കടന്നുകളഞ സംഭവം കോട്ടയം മുണ്ടക്കയത്താണ് .
ചടങ്ങുകൾ കഴിഞ്ഞതിന് ശേഷം അതിഥികൾക്ക് ഭക്ഷണം നൽകാനാവാതെ വധുവിന്റെ വീട്ടുകാർ വലഞ്ഞു. പണം വാങ്ങി പറ്റിച്ച കേറ്ററിംഗ് സംഘത്തിനെതിരെ വീട്ടുകാർ പരാതി നൽകിയിട്ടുണ്ട്.
മുണ്ടക്കയം ചോറ്റി മഹാദേവക്ഷേത്രത്തിൽ കഴിഞ്ഞ ശനിയാഴ്ച നടന്ന വിവാഹത്തിലാണ് സംഭവം നടന്നത്. കാഞ്ഞിരപ്പള്ളി ആസ്ഥാനമായി പ്രവർത്തിക്കുന്ന കേറ്ററിംഗ് സ്ഥാപനത്തിനെതിരെയാണ് പരാതി നൽകിയത്. പനയ്ക്കച്ചിറ സ്വദേശിനിയായ യുവതിയുടെ വിവാഹത്തിനായി 1.40 ലക്ഷം രൂപയാണ് നൽകിയത്. 400 ആളുകൾക്കാണ് സദ്യ ബുക്ക് ചെയ്തിരുന്നത്.
ഉച്ചയോടെ ക്ഷേത്രത്തിലെ ചടങ്ങുകൾ പൂർത്തിയായിട്ടും ഓഡിറ്റോറിയത്തിൽ എത്തേണ്ടിയിരുന്ന വിവാഹസദ്യ സമയത്ത് എത്തിയിരുന്നല്ലഭക്ഷണം എത്തിക്കാത്തതിനെ തുടർന്ന് കേറ്ററിംഗുകാരനെ ബന്ധപ്പെടാൻ ശ്രമിച്ചെങ്കിലും ഫോൺ സ്വിച്ച് ഓഫ് ചെയ്ത നിലയിലായിരുന്നു. ഇതോടെ വിവാഹവീട്ടുകാർ കടുത്ത സമ്മർദ്ദത്തിലാകുകയും ആശങ്കയിലാവുകയും ചെയ്തു
