വടക്കൻ പറവൂരിൽ യുവതിയെ കുത്തിക്കൊന്നു. സുഹൃത്ത് പൊലീസ് കസ്റ്റഡിയിൽ.
എറണാകുളം: വടക്കൻ പറവൂരിൽ യുവതിയെ കുത്തിക്കൊന്ന. ചൂണ്ടി സ്വദേശിനി സുരമ്യയാണ് കൊല്ലപ്പെട്ടത്. സംഭവത്തിൽ സുഹൃത്ത് ഷിബിനെ പൊലീസ് കസ്റ്റഡിയിലെടുത്ത ചോദ്യം ചെയ്തുവരികയാണ്. വടക്കൻ പറവൂർ മേഖലയിൽ വെച്ചാണ് സംഭവം നടന്നതെന്ന് പൊലീസ് പറയുന്നു. വിവരം ലഭിച്ച ഉടൻ സ്ഥലത്തെത്തിയ പൊലീസ് സംഭവസ്ഥലത്തെ നടപടികൾ പൂർത്തിയാക്കി.
പരിക്കേറ്റ സുരമ്യയെ ഉടൻ ആശുപത്രിയിൽ എത്തിച്ചെങ്കിലും മരണം സംഭവിച്ചതായി പൊലീസ് അറിയിച്ചു. മൃതദേഹം പോസ്റ്റ്മോർട്ടത്തിനായി ആശുപത്രി മോർച്ചറിയിലേക്ക് മാറ്റി. സംഭവുമായി ബന്ധപ്പെട്ട് സുരമ്യയുടെ സുഹൃത്ത് ഷിബിനെ പൊലീസ് കസ്റ്റഡിയിലെടുത്തിട്ടുണ്ട്. ഇയാളെ വിശദമായി ചോദ്യം ചെയ്തുവരികയാണെന്ന് പൊലീസിന്റെ നിലപാടാണ്.
കൃത്യത്തിന്റെ കാരണത്തെക്കുറിച്ചും സംഭവത്തിന്റെ വിശദാംശങ്ങളെക്കുറിച്ചും കൂടുതൽ വിവരങ്ങൾ ലഭ്യമാക്കാൻ ചോദ്യം ചെയ്യൽ സഹായിക്കുമെന്നാണ് പൊലീസ് പ്രതീക്ഷിക്കുന്നത്. പ്രദേശത്ത് നേരത്തെ ഇരുവരും തമ്മിൽ പരിചയമുണ്ടായിരുന്നതായാണ് പ്രാഥമിക വിവരം. സംഭവത്തിന്റെ കൂടുതൽ വിവരങ്ങൾ ലഭ്യമല്ല.
പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.സ്ഥലത്ത് ഫോറൻസിക് വിഭാഗവും ഡോഗ് സ്ക്വാഡും പരിശോധന നടത്തി. സംഭവസ്ഥലത്തുനിന്ന് തെളിവുകൾ ശേഖരിക്കുന്നതായി പൊലീസ് അറിയിച്ചു. സംഭവത്തിൽ കൂടുതൽ ആളുകൾക്ക് പങ്കുണ്ടോയെന്നും പൊലീസ് പരിശോധിക്കുന്നുണ്ട്
