Category: World

ടെല്‍ അവീവ്: പശ്ചിമേഷ്യയിലെ സംഘര്‍ഷം രൂക്ഷമാകുന്നതിനിടെ ഇസ്രഈലില്‍ നിന്നും കടക്കാന്‍ ശ്രമിക്കുന്ന യു.എസ് പൗരന്മാരെ കൈയ്യൊഴിഞ്ഞ് ഡൊണാള്‍ഡ് ട്രംപ് ഭരണകൂടം. യു.എസ് പൗരന്മാരെ ഇസ്രഈലില്‍ നിന്നും ഒഴിപ്പിക്കാനായി എംബസിക്ക് സഹായങ്ങള്‍ നല്‍കാനാകില്ലെന്ന പ്രസ്താവനയില്‍ പറഞ്ഞു ‘പൗരന്മാര്‍ ജാഗ്രത പാലിക്കണം. വ്യക്തിഗതമായ സുരക്ഷയെ കുറിച്ച് അവബോധമുണ്ടായിരിക്കണം. ഇസ്രഈലില്‍ നിന്നും പുറത്തുകടക്കുന്നതിനായി അമേരിക്കക്കാര്‍ക്ക് സഹായം നല്‍കാന്‍ ഇപ്പോള്‍ എംബസിക്ക് സാധിക്കില്ല’, പ്രസ്താവനയില്‍ പറഞ്ഞു. “സ്വന്തം സുരക്ഷ സ്വയം നോക്കണമെന്നും നിലവില്‍ സുരക്ഷ സങ്കീര്‍ണവും അതിവേഗത്തില്‍ മാറിമറിഞ്ഞുകൊണ്ടിരിക്കുകയാണെന്നും യു.എസ് എംബസി പറഞ്ഞു….

ടെഹ്റാൻ :പ്രഭാതത്തിൽ സ്കൂൾ മുറികളിൽ ബാഗുമായി എത്തി പുസ്തക താളുകൾ വിടർത്തുമ്പോൾ തലക്കു മുകളിൽ വന്നു പതിക്കുന്ന അഗ്നി ഗോളങ്ങൾ അവർ ഓർത്തു കാണില്ല. ഇറാനിലെ ഹോർ മുസ്ഗാൻ പ്രവിശ്യയിലെ മിനായിലെ സ്കൂളിലെ 160 പെൺകുട്ടികളെ യാണ് ഇസ്റാഈൽ ശനിയാഴ്ച നടത്തിയ ക്രൂരമായ അക്രമത്തിൽ കൊന്നത്. രക്ത സാക്ഷ്യത്വത്തിൻ്റെ ഈ 160 കുഞ്ഞു ബാല്യങ്ങൾൾക്ക് മിനാ ബിൽ ഒരുക്കിയ അന്ത്യ യാത്രക്ക് ആയിരങ്ങളാണ് ഒത്തു കൂടിയത്. കുട്ടികളുടെ ശവസംസ്കാര ചടങ്ങിൽ ഒത്തുകൂടിയ വിലാപയാത്രക്കാർ ഇറാനിയൻ പതാകകളും ഛായാചിത്രങ്ങളും…

ടെഹ്റാൻ‌ : അമേരിക്കയെ ലക്ഷ്യമാക്കി അറബ് രാജ്യങ്ങളിൽ അക്രമണം കടുപ്പിച്ച് ഇറാൻ. റിയാദിൽ ഇറാൻ നടത്തിയ ഡ്രോൺ ആക്രമണത്തിൽ യുഎസ് എംബസിക്ക് തീപിടിച്ചതായി സൗദ പ്രതിരോധ മന്ത്രാലയ വക്താവ് അറിയിച്ചു. രണ്ട് ഡ്രോണുകളാണ് ആക്രമണം നടത്തിയത്. പിന്നാലെ റിയാദിലെ നയതന്ത്ര മേഖലയിൽ രണ്ട് സ്ഫോടനങ്ങൾ കൂടി ഉണ്ടായതായി റിപ്പോർട്ടുകളുണ്ട്. നയതന്ത്ര മേഖലയെ ലക്ഷ്യമിട്ടെത്തിയ നാല് ഡ്രോണുകളെ സൗദി വ്യോമ പ്രതിരോധ സേന വെടിവെച്ചിട്ടു. റിയാദിലെ എംബസി ആക്രമണത്തിന് ഉടൻ മറുപടി നൽകുമെന്ന് യുഎസ് പ്രസിഡന്റ് ഡോണൾഡ് ട്രംപ്…

ഇസ്രയേലിലെ ബീർഷെബയിൽ സ്ഥിതിചെയ്യുന്ന കോംപ്ലക്‌സിന് നേരേയാണ് ആക്രമണമുണ്ടായത തെഹ്‌റാൻ: ഇസ്രയേൽ സൈന്യത്തിന്റെ കമ്മ്യൂണിക്കേഷൻസ് കോംപ്ലക്‌സ് തകർത്തതായി ഇറാന്റെ അവകാശവാദം. ഇറാന്റെ സായുധസേനയായ ഇസ്ലാമിക് റെവല്യൂഷണറി ഗാർഡ് കോർപ്‌സ്(ഐആർജിസി) ആണ് ഇക്കാര്യം അറിയിച്ചത്. ഇസ്രയേലിലെ ബീർഷെബയിൽ സ്ഥിതിചെയ്യുന്ന കോംപ്ലക്‌സിന് നേരേയാണ് ആക്രമണമുണ്ടായതെന്നാണ് ഇറാനിലെ തസ്‌നീം ന്യൂസ് ഏജൻസിയുടെ റിപ്പോർട്ട്. തകർന്ന കെട്ടിടത്തിന്റെ ചിത്രവും തസ്‌നീം ന്യൂസ് ഏജൻസി പുറത്തുവിട്ടിട്ടുണ്ട്. ഇസ്രയേൽ പ്രതിരോധസേനയുടെ C4I (കമാൻഡ്, കൺട്രോൾ, കമ്മ്യൂണിക്കേഷൻസ്, കമ്പ്യൂട്ടർ, ഇന്റലിജൻസ്) പ്രവർത്തനങ്ങളുടെ പ്രധാന കേന്ദ്രമാണ് ബീർഷെബയിലെ കോംപ്ലക്‌സ്. ഇതിന്…

ടെഹ്‌റാൻ/ടെല്‍ അവീവ്: ഇറാനിലെ ആശുപത്രികള്‍ക്ക് നേരെ ഇസ്രായേല്‍-യുഎസ് ആക്രമണം. ഇറാന്റെ ഒന്‍പത് ആശുപത്രികള്‍ തകര്‍ന്ന. ഇറാന്‍ പാര്‍ലമെന്റ് ഹെല്‍ത്ത് കമ്മീഷന്‍ അംഗം ഫാത്തിമ മുഹമ്മദ് ബെയ്ഗിയാണ് ഇക്കാര്യം അറിയിച്ചത്. ആക്രമിക്കപ്പെട്ടതില്‍ അഞ്ച് ആശുപത്രികള്‍ തലസ്ഥാനമായ തെഹ്റാനിലും നാലെണ്ണം മറ്റ് നഗരങ്ങളിലുമാണ്. രോഗികളെ പൂര്‍ണമായും മറ്റ് കേന്ദ്രങ്ങളിലേക്ക് മാറ്റി. അതിനിടെ ഇറാനെതിരായ സൈനിക നടപടികള്‍ തുടരുമെന്ന് അമേരിക്കന്‍ പ്രസിഡന്റ് ഡോണള്‍ഡ് ട്രംപ് പറഞ്ഞു. മുന്നറിയിപ്പുകള്‍ ഇറാന്‍ അവഗണിച്ചു. ഗുരുതര പ്രത്യാഘാതമുണ്ടാകാന്‍ സാധ്യതയുള്ള ആക്രമണം തുടരുമെന്നും ട്രംപ് മുന്നറിയിപ്പ് നല്‍കി….

ടെഹ്‌റാന്‍: യു.എസ്-ഇസ്രഈല്‍ ആക്രമണത്തില്‍ കൊല്ലപ്പെട്ട ഇറാന്റെ പരമോന്നത നേതാവ് ആയത്തുല്ല ഖാംനഇയുടെ പങ്കാളി മന്‍സൂറ ഖോജസ്‌തെ ബാഗര്‍സാദെ(79)യും മരണപ്പെട്ടു. ഖാംനഇ കൊല്ലപ്പെട്ട ആക്രമണത്തില്‍ പരിക്കേറ്റ് ചികിത്സയിലിരിക്കെയാണ് മന്‍സൂറയുടെ മരണം. ഇവര്‍ കോമയിലായിരുന്നെന്ന് ഇറാന്‍ സ്‌റ്റേറ്റ് മീഡിയ റിപ്പോര്‍ട്ട് ചെയ്തു. ഇറാന്റെ അടുത്ത പരമോന്നത നേതാവാകുമെന്ന് കരുതപ്പെടുന്ന മുജ്തബ ഖാംനഇയുടെ മാതാവാണ് മന്‍സൂറ. ശനിയാഴ്ച നടന്ന യു.എസ്-ഇസ്രഈല്‍ ആക്രമണത്തില്‍ ആയത്തുല്ല ഖാംനഇ, മകള്‍, മരുമകള്‍, പേരക്കുട്ടി തുടങ്ങിയവരും കൊല്ലപ്പെട്ടിരുന്നു. ഖാംനഈക്ക് പുറമെ, പ്രതിരോധമന്ത്രി അമിര്‍ നാസിര്‍ സദെ, ഐ.ആര്‍.ജി.സി…

ദില്ലി: പശ്ചിമേഷ്യൻ സംഘർഷത്തെത്തുടർന്ന് ഇറാൻ ഹോർമുസ് കടലിടുക്ക്അടച്ചതോടെ, രാജ്യത്തെ ഊർജ്ജ പ്രതിസന്ധി മറികടക്കാൻ ബദൽ മാർഗ്ഗങ്ങൾ തേടി ഇന്ത്യ. എണ്ണ വിതരണത്തിലെ തടസ്സം ഒഴിവാക്കാനായി റഷ്യയിൽ നിന്നുള്ള അസംസ്‌കൃത എണ്ണയുടെ ഇറക്കുമതി വർദ്ധിപ്പിക്കാനാണ് കേന്ദ്ര സർക്കാർ ആലോചിക്കുന്നത്. ഇന്ത്യയുടെ മൊത്തം എണ്ണ ഇറക്കുമതിയുടെ പകുതിയോളം ഈ പാത വഴിയാണ് എത്തിയിരുന്നത് എന്നതിനാൽ നിലവിലെ സാഹചര്യം വലിയ വെല്ലുവിളിയാണ് ഉയർത്തുന്നത്. ക്രൂഡ് ഓയിൽ കാര്യത്തിൽ റഷ്യ സഹായത്തിനെത്തുമെങ്കിലും, എൽപിജി ഇറക്കുമതിയുടെ കാര്യത്തിൽ രാജ്യം വലിയ പ്രതിസന്ധി നേരിട്ടേക്കാം. ശനിയാഴ്ച…

തെഹ്റാൻ: ഇറാനിൽ സംഘർഷാവസ്ഥ നിലനിൽകെ പുതിയ പ്രതിരോധ മന്ത്രി സ്ഥാനമേറ്റു. റെവല്യൂഷണറി ഗാര്‍ഡ്‌സ് ജനറല്‍ മാജിദ് എബ്‌നെല്‍റേയാണ് സ്ഥാനമേറ്റത്. എബ്നെൽറേസയെ ആക്ടിംഗ് പ്രതിരോധ മന്ത്രിയായി നിയമിച്ച് ഇറാൻ പ്രസിഡന്റ് മസൂദ് പെസെഷ്കിയാൻ ഉത്തരവിറക്കിയിട്ടുണ്ട്. ഇസ്രയേൽ-യുഎസ് സംയുക്ത ആക്രമണത്തിൽ മുൻ പ്രതിരോധ മന്ത്രി അമിര്‍ നാസിര്‍ സദാ കൊല്ലപ്പെട്ടിരുന്നു. ഈ സാഹചര്യത്തിൽ അമിറിന് പകരക്കാരനായാണ് മാജിദ് എബ്‌നെല്‍റേസ വരുന്നത്. ഇസ്രായേലും അമേരിക്കയും ഇറാനിൽ നടത്തിയ സംയുക്ത ആക്രമണത്തിലാണ് ഇറാൻ പ്രതിരോധ അമിര്‍ നാസിര്‍ സദാ കൊല്ലപ്പെട്ടത്. ഫൈറ്റർ പൈലറ്റായി…

ടെഹ്റാൻ :ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സ് (IRGC) ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ ഓഫീസും ഇസ്രായേൽ വ്യോമസേനാ കമാൻഡറുടെ ആസ്ഥാനം പോലുള്ള മറ്റ് പ്രധാന സ്ഥലങ്ങളും ലക്ഷ്യമിട്ട് ഖൈബർ ഷെകാൻ ഉൾപ്പെടെയുള്ള മിസൈലുകൾ പ്രയോഗിച്ച് അതിശയകരമായ ആക്രമണം നടത്തിയതായി അവകാശപ്പെട്ടു. മിഡിൽ ഈസ്റ്റിൽ ശക്തമായ ആക്രമണം തുടരുന്നതിനിടയിലാണ് ടെൽ അവീവിനെ വിറപ്പിച്ച മിസൈൽ ആക്രമണം.

റിയാദ്: ഇറാനിയൻ ഡ്രോണുകൾ ആക്രമിച്ചതിനെ തുടർന്ന് സൗദി അരാംകോ തങ്ങളുടെ റാസ് തനുര റിഫൈനറി താൽക്കാലികമായി അടച്ചുപൂട്ടി.സൗദി അറേബ്യയിലെ പ്രധാന ശുദ്ധീകരണ കേന്ദ്രങ്ങളിലൊന്നായ റാസ് തനുരയ്ക്ക് നേരെയുള്ള ആക്രമണം മേഖലയിലെ ഊർജ്ജ അടിസ്ഥാന സൗകര്യങ്ങളിൽ കൂടുതൽ തടസ്സങ്ങൾ ഉണ്ടാകുമെന്ന ആശങ്ക വർദ്ധിപ്പിക്കുന്നു. പ്രധാന അടിസ്ഥാന സൗകര്യങ്ങളിലേക്ക് എത്തുന്നതിന് മുൻപ് തന്നെ ഡ്രോണുകൾ തടഞ്ഞതായി അധികൃതർ അറിയിച്ചു. സൗദി അറേബ്യയിലെ പ്രധാന എണ്ണശുദ്ധീകരണ ശാലകളിലൊന്നാണ് റാസ് തനൂറ സൗദി പ്രസ് ഏജൻസി വഴിയാണ് സൈനിക വക്താവ് ഈ വിവരം…