കോഴിക്കോട് കുറ്റിക്കാട്ടൂർ ഷിഗല്ല രോഗം ബാധിച്ച് മൂന്നര വയസ്സുകാരി മരിച്ചു..
കോഴിക്കോട് : മൂന്നര വയസുകാരി ഷിഗല്ല ബാധിച്ച് മരിച്ചു. കോഴിക്കോട് കുറ്റിക്കാട്ടൂർആനക്കുഴിക്കര എരഞ്ഞിക്കൽ അംഗണ വാടിയിൽ പഠിക്കുന്ന കുട്ടിയാണ് മരിച്ചത്. മൂന്നര വയസ്സുകാരി പഠിക്കുന്ന അങ്കണവാടിയിലെ മൂന്ന് കുട്ടികൾക്ക് രോഗലക്ഷണങ്ങൾ കണ്ടെത്തി.
ആരോഗ്യവകുപ്പ് അടിയന്ത നടപടികള് സ്വീകരിച്ചു. പെരുവയൽ പഞ്ചായത്തിലെ 13-ാം വാർഡിൽ ആരോഗ്യവകുപ്പ് അടിയന്തര നടപടിയുടെ ഭാഗമായി മെഡിക്കൽ ക്യാമ്പ് സംഘടിപ്പിച്ചു. കിണറുകളിൽ ക്ലോറിനേഷൻ നടത്തി.കഴിഞ്ഞ ഞായറാഴ്ചയാണ് കുട്ടി മരിച്ചത്. ഇന്നലെയാണ് റിപ്പോര്ട്ട് പുറത്തുവന്നത്. രോഗലക്ഷണം കണ്ടെത്തിയ ഒരു കുട്ടിയെ കോഴിക്കോടും മറ്റ് രണ്ട് കുട്ടികളെ കോഴിക്കോട്ടെ സ്വകാര്യ മെഡിക്കല് കോളജിലും പ്രവേശിപ്പിച്ചു.
ഈ പ്രദേശത്ത് രോഗം പടർന്നത് എ സംബന്ധിച്ച് ആരോഗ്യ വകുപ്പ് പരിശോധിച്ച് വരികയാണ്. വയറിളക്കം, പനി, വയറുവേദന, ഛര്ദ്ദി, ക്ഷീണം, രക്തംകലര്ന്ന മലം എന്നിവയാണ് ഷിഗല്ലരോഗ ലക്ഷണങ്ങൾ. വയറിളക്ക രോഗങ്ങള്ക്ക് പ്രധാന കാരണങ്ങളില് ഒന്നാണ് ഷിഗല്ല ബാക്ടീരിയ.
രോഗാണു പ്രധാനമായും കുടലിനെയാണ് ബാധിക്കുന്നത്. അതുകൊണ്ട് മലത്തോടൊപ്പം രക്തവും കാണപ്പെടുന്നു. പ്രധാനമായും മലിന ജലത്തിലൂടെയും കേടായ ഭക്ഷണത്തിലൂടെയുമാണ് രോഗം പകരുന്നത്. രണ്ട് മുതല് ഏഴ് ദിവസം വരെയാണ് രോഗലക്ഷണങ്ങള് കാണപ്പെടുന്നത്. ചിലകേസുകളില് ലക്ഷണങ്ങള് നീണ്ടുനില്ക്കാം. ചിലരില് ലക്ഷണങ്ങള് പ്രകടമാകാതിരിക്കാനുള്ള സാധ്യതയും ഉണ്ട്. ആശുപത്രിയിൽ പ്രവേശിപ്പിച്ചവർക്ക് രോഗം സ്ഥിരീകരിച്ചിട്ടില്ലന്ന് വാർഡ് മെമ്പർ രതീഷ് പറഞ്ഞു.
