ബംഗാളിൽ മുസ്ലിം കോളനിയിൽ അഞ്ച് തെരു വുകളിൽ മാസങ്ങളായി കുടിവെള്ളമില്ല. വിതരണം തടഞ്ഞത് ബി.ജെ. പി എം . എൽ എ.
കൊൽക്കത്ത: ബംഗാളിൽ ബി.ജെ. പി ഭരണത്തിൽ വന്നതിന് ശേഷം പുറന്തള്ളൽ ഭീഷണിയിൽ മുസ്ലിം ഗല്ലികൾ. കൊൽക്കത്ത നഗരത്തിൽ, കാശിപ്പൂരിലെ മുസ്ലീം ഭൂരിപക്ഷ കോളനിയിലുള്ള അഞ്ച് തെരുവുകളിൽ കുടിവെള്ള വിതരണം അധികൃതർ തടഞിട്ട്
ഒരു മാസത്തിലേറെയായി.
ഇത് ഇവിടെത്തെ 3,500-ലധിക താമസക്കാരെ ബാധിച്ചിരിക്കുകയാണ്. പ്രാദേശികമായി ‘മൊല്ല പാരാ’ അല്ലെങ്കിൽ ‘മുസ്ലീം കോളനി’ എന്നറിയപ്പെടുന്ന ജ്യോതിനഗർ പ്രദേശത്തെ വീടുകളിൽ, ജൂലൈ 27 മുതൽ 29 വരെ മുനിസിപ്പൽ ജീവനക്കാർ പൈപ്പ്ലൈൻ അറ്റകുറ്റപ്പണികൾ നടത്തിയതിന് പിന്നാലെ, ജൂലൈ 29-ന് രാത്രിയോടെയാണ് വെള്ളം ലഭിക്കുന്നത് നിലച്ചതെന്നും അത് ഇതുവരെ പുനഃസ്ഥാപിച്ചിട്ടില്ലെന്നും താമസക്കാർ പറയുന്നു.
അയൽപ്രദേശങ്ങളായ ഹിന്ദു ഭൂരിപക്ഷ ബ്ലോക്കുകളിൽ വെള്ളം ലഭിക്കുന്നുണ്ടെങ്കിലും, ബാധിക്കപ്പെട്ട തെരുവുകളിലെ ആളുകൾക്ക് കൊൽക്കത്ത മുനിസിപ്പൽ കോർപ്പറേഷനിൽ നിന്ന് വെള്ളം വാങ്ങാനാവുന്നിടത്ത് അതിന് ശ്രമിക്കുകയോ, അല്ലെങ്കിൽ കുളിക്കുന്നതിനും അലക്കുന്നതിനും മറ്റ് ദൈനംദിന ആവശ്യങ്ങൾക്കുമായി ഹൂഗ്ലി നദിക്കരയിലെ ഘാട്ടുകളിൽ നിന്ന് വെള്ളം ശേഖരിക്കുകയോ ചെയ്യേണ്ട അവസ്ഥയിലാണ് പ്രാദേശിക വാസികൾ.
വെള്ളം തടഞ്ഞതിന് പിന്നിൽ ഇവിടെ ത്തെ എം. എൽ എ
റിതേഷ് തിവാരിയാണെന്ന് ആരോപണമുണ്ട് തെരഞെടുപ്പിന് മുമ്പ് ഇദ്ദേഹം നടത്തിയ പ്രസ്താവനയുടെ തുടർച്ചയാണെന്ന് ചൂണ്ടിക്കാണിക്കപ്പെടുന്നു
തനിക്ക് വോട്ട് ചെയ്യാത്ത മുസ്ലീങ്ങൾക്കായി പ്രവർത്തിക്കില്ലെന്ന് തിരഞ്ഞെടുപ്പിന് ശേഷം ബിജെപി എംഎൽഎ നടത്തിയ പരാമർശത്തിന്
ഇതുമായി ബനധമുണ്ട് മാത്രമല്ല പിന്നീട് അദ്ദേഹം നടത്തിയ പ്രസ്താവനയിൽ, ഈ പ്രദേശം അനധികൃത കുടിയേറ്റക്കാർ വൻതോതിൽ കൈവശപ്പെടുത്തിയിരിക്കുകയാണെന്ന് അദ്ദേഹം പരസ്യമായി ആരോപിച്ചു. കൂടാതെ, നദീതീരത്തുള്ള ഈ വാസസ്ഥലം മതിയായ അനുമതികളില്ലാതെയാണ് കൈവശപ്പെടുത്തിയിരിക്കുന്നതെന്ന് ചൂണ്ടിക്കാട്ടി, ഇവിടുള്ളവരെ ഒഴിപ്പിക്കുന്നതിനുള്ള നടപടികൾ പ്രാദേശിക തുറമുഖ അധികൃതർ പരിഗണിച്ചതായും റിപ്പോർട്ടുകളുണ്ട്.
വെള്ളം മുടങ്ങിയതോടെ
നീന്താൻ അറിയാത്ത കുട്ടികളും മുതിർന്നവരും നദിയിലെ വെള്ളം ഉപയോഗിക്കാൻ നിർബന്ധിതരാകുന്നുണ്ടെന്നും, ചെളിപിടിച്ച പടവുകളിൽ തെന്നിവീഴുന്ന സംഭവങ്ങൾ ഉണ്ടാകുന്നുണ്ടെന്നും താമസക്കാർ പറയുന്നു. കൂടാതെ, നദിയിലെ വെള്ളം ഉപയോഗിച്ചതിനെത്തുടർന്ന് പല കുട്ടികൾക്കും പനി, തലവേദന, ചർമ്മരോഗങ്ങൾ എന്നിവ ബാധിച്ചിട്ടുണ്ട്, മുനിസിപ്പാലിറ്റിയോ പാർട്ടിയോ ഇക്കാര്യത്തിൽ ഔദ്യോഗിക വിശദീകരണമൊന്നും ഇതു വരെ നൽകിയിട്ടില്ല.
