കേരളത്തിൽ മഴ കനക്കും; നാളെ നാല് ജില്ലകളിൽ യെലോ അലർട്ട്.
കോഴിക്കോട് :വരും ദിവസങ്ങളില് അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. വടക്കു പടിഞ്ഞാറന് ബംഗാള് ഉള്ക്കടലിന് മുകളില് ഒഡിഷ-പശ്ചിമ ബംഗാള് തീരത്തിനു സമീപം ചക്രവാതച്ചുഴി സ്ഥിതി ചെയ്യുന്നു. അടുത്ത 48 മണിക്കൂറിനുള്ളില് ഇത് ന്യൂനമര്ദമായി ശക്തി പ്രാപിക്കാന് സാധ്യതയുണ്ടെന്നും ഇതിന്റെ ഫലമായി കേരളത്തില് മഴ ശക്തിപ്രാപിക്കുമെന്നും കേന്ദ്ര കാലാവസ്ഥാ വകുപ്പ് മുന്നറിയിപ്പില് വ്യക്തമാക്കുന്നു.
മുന്നറിയിപ്പിന്റെ ഭാഗമായി ചൊവ്വാഴ്ച (ഓഗസ്റ്റ് 26) കോഴിക്കോട്, വയനാട്, കണ്ണൂര്, കാസർഗോഡ് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. 26 മുതല് 29 വരെ സംസ്ഥാനത്ത് ഒറ്റപ്പെട്ട കനത്ത മഴയ്ക്ക് സാധ്യതയുണ്ടെന്നാണ് പ്രവചനം.
ഓഗസ്റ്റ് 26 മുതല് 29 വരെ തീയതികളിലേക്ക് സംസ്ഥാനത്ത് വിവിധ ജില്ലകളിലെ മഴ മുന്നറിയിപ്പ് ചുവടെ:
26/08/2025: കോഴിക്കോട്, വയനാട്, കണ്ണൂര്, കാസർഗോഡ്
27/08/2025: ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസർഗോഡ്
28/08/2025: തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസർഗോഡ്.
