ബസ്സിൻ്റെ മത്സര ഓട്ടം സ്കൂട്ടർ യാത്രക്കാരൻ്റെ ജീവനെടുത്തു.
കുറ്റിക്കാട്ടൂർ: ബസ്സിൻ്റെ മത്സര ഓട്ടം സ്കൂട്ടർ യാത്രക്കാരൻ്റെ ജീവനെടുത്തു
കോഴിക്കോട് പൂവാട്ടുപറമ്പിൽ പെരുവയൽപഞ്ചായത്ത് ഓഫീസിന് മുൻപിൽ നടന്ന അപകടത്തിൽ പെരുവയൽ കായലം ചക്കിട്ടക്കണ്ടി സലീം (46) ആണ് മരിച്ചത്.
ചൊവ്വാഴ്ചവൈകുന്നേരം അഞ്ചുമണി
യോടെയാണ് അപകടം
കോഴിക്കോട് ഭാഗത്തേക്ക് പോവുകയായിരുന്ന
സഫ ബസ് മറ്റൊരു വാഹനത്തെ ഓവർടേക്ക് ചെയ്ത് കടന്നുപോകാനുള്ള ശ്രമത്തിനിടയിൽ
എതിർ ദിശയിൽ വാഹനം വന്നതോടെ പെട്ടെന്ന് സൈഡിലേക്ക് അടുപ്പിച്ചതോടെ അതേ ദിശയിൽ റോഡരികിലൂടെ വരികയായിരുന്ന സ്കൂട്ടറിൽ ഇടിക്കുകയായിരുന്നു. ഇടിയുടെ ആഘാതത്തിൽ സ്കൂട്ടർ റോഡരികിലേക്കും സ്കൂട്ടർ യാത്രക്കാരനായ സലിം ബസ്സിനടിയിലേക്കും വീണു.
ഗുരുതരമായി പരിക്കേറ്റ സലീം തൽക്ഷണം മരിച്ചു.
അപകടത്തെ തുടർന്ന് മാവൂർ കോഴിക്കോട് റോഡിൽ ഏറെനേരം ഗതാഗതം സ്ഥംഭിച്ചു .
