ആപ്പിളിന്റെ ചീഫ് എക്സിക്യൂട്ടീവ് ഓഫീസര് സ്ഥാനത്തുനിന്ന ടിം കുക്ക് സ്ഥാനമൊഴിഞ്ഞു.
ന്യൂയോർക്ക് :ആപ്പിളിന്റെ ചീഫ് എക്സിക്യൂട്ടീവ് ഓഫീസര് സ്ഥാനത്തുനിന്ന് 15 വർഷത്തെ സേവനത്തിന് ശേഷം ടിം കുക്ക് സ്ഥാനമൊഴിഞ്ഞുകമ്പനിയുടെ ഹാർഡ്വെയർ എൻജിനീയറിങ് വിഭാഗം മേധാവിയായിരുന്ന ജോൺ ടെർനസ് പുതിയ സി.ഇ.ഒ ആയി ചുമതലയേറ്റു.
2011-ല് കമ്പനിയുടെ സഹസ്ഥാപകന് സ്റ്റീവ് ജോബ്സിന്റെ പിന്ഗാമിയായി ചുമതലയേറ്റ കുക്ക്,നീണ്ട 15 വര്ഷത്തെ വിജയകരമായ സേവനത്തിന് ശേഷമാണ് സ്ഥാനം ഒഴിയുന്നത്.ഇനി മുതല് കമ്പനിയുടെ എക്സിക്യൂട്ടീവ് ചെയര്മാന് എന്ന പുതിയ ചുമതലയിലാവും ടിം കുക്ക് തുടരുക.ആപ്പിള് വാച്ച്, എയര്പോഡ്സ്, ഹോം പോഡ്, വിഷന് പ്രോ, എയര് ടാഗ് തുടങ്ങിയ ഉത്പന്നങ്ങള് കമ്പനി അവതരിപ്പിച്ചത് ടിം കുക്കിന്റെ കാലത്താണ്.ആപ്പിള് മ്യൂസിക്, ആപ്പിള് ടിവി പോലുള്ള സേവനങ്ങള് വളര്ന്നതും ഇക്കാലത്ത് തന്നെ. ആപ്പിളിന്റെ ഉത്പന്ന നിര വികസിപ്പിക്കുകയും ഓഹരി മൂല്യത്തെ അടിസ്ഥാനമാക്കി കമ്പനിയുടെ മൂല്യം ഏകദേശം 4.5 ട്രില്യണ് ഡോളറായി ഉയര്ത്തുകയും ചെയ്തുവെന്ന ക്രെഡിറ്റ് ടിം കുക്കിനാണ്.
