നാട്ടിലേക്ക് പുറപ്പെട്ട കാസർകോട് സ്വദേശി അബുദബി എയർ പോർട്ടിൽ കുഴഞ്ഞു വീണ് മരിച്ചു.
അബുദബി: നാട്ടിലേക്ക് പുറപ്പെട്ട കാസർകോട് സ്വദേശി വിമാനത്തിൽ കയറും മുമ്പ് കുഴഞ്ഞു വീണ് മരിച്ചുകാസർകോട് കാഞ്ഞങ്ങാട് സ്വദേശി യൂസുഫാണ് (51 ) അബൂദബി എയർപോർട്ടിൽ കുഴഞ്ഞുവീണ് മരിച്ചത്. കാഞ്ഞങ്ങാട് പാറപ്പള്ളിയിൽ താമസിക്കുന്ന പാണത്തൂർ സ്വദേശിയാണ് ഇദ്ദേഹം. സന്ദർശന വിസയിൽ അബൂദബിയിൽ എത്തി തിരിച്ചു നാട്ടിലേക്ക് പോകാൻ എയർപോർട്ടിൽ വിമാനം കയറാനിരിക്കെ കുഴഞ്ഞു വീഴുകയായിരുന്നു. മൃതദേഹം നാട്ടിലേക്ക് കൊണ്ട് പോകാനുള്ള നടപടികൾ പുരോഗമിക്കുകയാണെന്ന് ബന്ധുക്കൾ അറിയിച്ചു. ബേക്കൽ സ്വദേശിനി റംസീനയാണ് ഭാര്യ. മക്കൾ: ഇസ്തിഹാൻ, മിർസാന, ഫാത്തിമ, യാസീൻ, മുഷ്ഫിറ, മൂന്ന് മാസം പ്രായമുള്ള ഹൈറ സനിഷ്.
