ബംഗളുരു : ബംഗളുരുവിൽ ബൈക്കപകടത്തിൽ മലയാളി മെഡിക്കൽ വിദ്യാർഥി മരിച്ചു ഭാരത്  നഗറിൽ നടന്ന അപകടത്തിൽ വയനാട് സുൽത്താൻബത്തേരി കൊളകപ്പാറ കോളനിയിലെ അച്ചാർ പറമ്പിൽ റോയി കുര്യാക്കോസിന്റെയും മേഴ്സിയുടെയും മകൻ ഡിയോൺ റോയ് (23 )ആണ് മരിച്ചത്.അവസാന വർഷ വിദ്യാർഥിയായിരുന്നു.  

കൊച്ചി:ഇടപള്ളിയിൽ സ്വിഫ്റ്റ് കാർ മെട്രോ പില്ലറിൽ ഇടിച്ച് കയറി അപകടം. ആലപ്പുഴ സ്വദേശികളായ രണ്ട് വിദ്യാര്‍ത്ഥികള്‍ മരിച്ചു  രണ്ടുപേര്‍ അതീവ ഗുരുതരാവസ്ഥയിലാണ്. ഹറൂണ്‍ ഷാജി, മുനീര്‍ എന്നിവരാണ് മരിച്ചത്. ഇന്ന് പുലര്‍ച്ചെ 3.45 ഓടെയായിരുന്നു അപകടം. വിദ്യാർത്ഥികൾ സഞ്ചരിച്ച അമിതവേഗതയിലായിരുന്ന സ്വിഫ്റ്റ് കാർ മെട്രോ പില്ലറിൽ ഇടിച്ച് കയറുകയായിരുന്നു അപകടത്തെ തുടർന്ന് കാറിൻ്റെ ടയറുകൾ തെറിച്ച് പോകുകയും കാർ പൂർണമായും തകരുകയും ചെയ്തിരുന്നു. പുലർച്ചെ നടന്ന അപകടമായതിനാൽ തന്നെ ദൃക്സാക്ഷികളുമില്ല. പൊലീസുദ്യോഗസ്ഥര്‍ സംഭവസ്ഥലത്തെത്തി പരിശോധന നടത്തുന്നുണ്ട്

കോഴിക്കോട് :സന്ദർശക വിസയിൽ ദുബായിലെത്തിയ യുവാവ് അപകടത്തിൽ മരിച്ചു.വെള്ളിപ്പറമ്പ് (6/2)വിരുപ്പിൽ മുനീർ ( വിച്ചി ) ആയിശ ദമ്പതികളുടെ മകൻ മുഹമ്മദ് മിഷാൽ ( 19) ആണ് മരിച്ചത്. ബിൽഡിങ്ങിന് മുകളിൽ നിന്ന് താഴെക്ക് വീഴുകയായിരുന്നു. രണ്ട്സഹോദരിമാരുണ്ട്. മയ്യത്ത്നാട്ടിലെത്തിക്കാനുള്ള നടപടിക്രമങ്ങൾ നടക്കു ന്നുണ്ട്.