മട്ടന്നൂരിൽ സ്വകാര്യബസ് സ്കൂട്ടറിലിടിച്ചുണ്ടായ അപകടത്തിൽ അച്ഛനും മകനും മരിച്ചു.
കണ്ണൂർ:കണ്ണൂർ മട്ടന്നൂരിൽ സ്വകാര്യബസ് സ്കൂട്ടറിലിടിച്ചുണ്ടായ അപകടത്തിൽ അച്ഛനും മകനും മരിച്ചു ഇരിട്ടി താലൂക്കിലെ കോളാരി സ്വദേശി വിനോദ് (52), മകൻ വൈഷ്ണവ് (25) എന്നിവരാണ് മരിച്ചത്. കൂരൻമുക്കിൽ ഇന്നുരാവിലെ പത്തരയോടെയായിരുന്നു അപകടമുണ്ടായത്. ഇരിട്ടിയിൽ നിന്ന് മട്ടന്നൂരിലേയ്ക്ക് പോകുകയായിരുന്ന സ്വകാര്യ ബസാണ് സ്കൂട്ടറിൽ ഇടിച്ചത്. മുന്നിലുണ്ടായിരുന്ന ബൈക്കിൽ ഇടിക്കാതിരിക്കാൻ ബസ് വെട്ടിച്ചപ്പോൾ എതിർദിശയിൽ നിന്ന് വന്ന വിനോദും മകനും സഞ്ചരിച്ചിരുന്ന സ്കൂട്ടറിൽ ഇടിക്കുകയായിരുന്നു.ശക്തമായ ഇടിയിൽ വിനോദും വൈഷ്ണവും ബസിന്റെ ചക്രത്തിനടിയിൽപ്പെട്ടുപോയി. ക്രെയിൻ ഉപയോഗിച്ച് ബസ് മാറ്റിയാണ് ഇരുവരെയും പുറത്തെടുത്തത്….
