സുപ്രീം കോടതി ചീഫ് ജസ്റ്റിസ് ബി.ആര് ഗവായ്ക്ക് എതിരെ ആക്രമണത്തിന് ആഹ്വാനം ചെയ്ത് ആര്.എസ്.എസ് സൈദ്ധാന്തികന് ടി.ജി മോഹന്ദാസ്.
ന്യൂദല്ഹി: സുപ്രീം കോടതി ചീഫ് ജസ്റ്റിസ് ബി.ആര് ഗവായ്ക്ക് എതിരെ ആക്രമണത്തിന് ആഹ്വാനം ചെയ്ത് ആര്.എസ്.എസ് സൈദ്ധാന്തികന് ടി.ജി മോഹന്ദാസ്.ഒരാഴ്ച മുമ്പാണ് ചീഫ് ജസ്റ്റിസിനെതിരെ ആക്രമണത്തിന് ആഹ്വാനം ചെയ്ത് മോഹന്ദാസ് യൂട്യൂബ് ചാനലായ പത്രികയിലൂടെ വീഡിയോ പങ്കിട്ടിരിക്കുന്നത്. തിങ്കളാഴ്ച അഭിഭാഷകനായ രാകേഷ് കിഷോര് ചീഫ് ജസ്റ്റിസിനെതിരെ ഷൂ എറിഞ്ഞതോടെ ഈ വീഡിയോ വീണ്ടും ചര്ച്ചയാകുകയാണ്.
ഖജുരാഹോ ക്ഷേത്രത്തിലെ മഹാവിഷ്ണുവിന്റെ പ്രതിഷ്ഠ പുനസ്ഥാപിക്കുന്നതുമായി ബന്ധപ്പെട്ട കേസ് തള്ളിയ ബി.ആര് ഗവായ്യുടെ തീരുമാനത്തിനെതിരെ ഹിന്ദുക്കള് പ്രതികരിച്ചില്ലെന്നാണ് മോഹന്ദാസ് പറയുന്നത്.
ബി.ആര് ഗവായ് സുപ്രീംകോടതിയില് നിന്ന് ഇറങ്ങി വരുമ്പോള് ഒരാള് മുഖത്ത് തുപ്പിയാല് അയാള്ക്ക് കൂടിപ്പോയാല് ആറ് മാസം തടവ് ശിക്ഷ ലഭിക്കുമായിരിക്കും.
എന്നിട്ടും എന്തുകൊണ്ട് ഒരു ഹിന്ദു അതിന് തയ്യാറാകുന്നില്ല. അങ്ങനെയല്ലെങ്കില് ചീഫ് ജസ്റ്റിസിന്റെ വാഹനം നാല് പേര് ചേര്ന്ന് തടയണം. കൂടിപ്പോയാല് വൈകുന്നേരം വരെ പൊലീസ് സ്റ്റേഷനില് പിടിച്ച് നിര്ത്തുമായിരിക്കും. എന്തുകൊണ്ട് ഒരു ഹിന്ദു അതിന് തയ്യാറാകുന്നില്ലെന്നാണ് മോഹന്ദാസ് ‘ഗവായ്ക്ക് ദൈവം കൊടുത്തു’, ‘ഹിന്ദു എന്ത് ചെയ്യും’ എന്നും തലക്കെട്ട് നല്കിയിരിക്കുന്ന സെപ്റ്റംബര് 30 ന് പുറത്തെത്തിയ മോഹന്ദാസിന്റെ വീഡിയോയില് പറയുന്നു.
